نَوّادِرٌ أّبُو اّلٌعِيالٌ وّ مراَتُه فّى رَمَضانٌ

السلام عليكم ورحمة الله وبركاته

حدثنا ابو العيال عن هم شايله كالجبال ومراته اللى طلباتها زى المطرقه

وعلى دماغة نازله طقطقة وحكمت عليه لازم يجيب الياميش اللى من

غيره لايمكن تعيش , ونزل وجاب لها طلباتها خايف على حياته لتلخبطها

ومانساش الصحور واهم حاجة الفول اللى بيسند العقول ,ولان هنا

الشرح ملول لأنه هيستلفه من العجول .. اما ابنه المحروس , عمال يزن

على الفانوس وياأما يجبهولو او يعطيه الفلوس ! , وبعدها اتصحروا

وناموا ولصلاة الفجر ما قاموا , والست مراته من صباح اليوم عماله

تنقع اشى تمر واشى دوم ومن المحمر والمشمر اشى انواع .. شكله كدا

دا اكل سباع ! .. واذن المؤذن للمغرب وكله شغال يهلب وعلى الاكل

نزلوا حتتك بتتك .., وكبس الاكل على الانفاس والمخ اصبح كالترباس

وبعد ساعتين من النوم راح وغير الهدوم ونزل مع الشله يتسامروا

على القهوة وفضل يلعب دومينو وطاولة , وجه وقت العشاء وهو ولا عنده

اى حياء , وكمان بيدندن مع الغناء .. ومراته المصون امام التليفزيون بفمها

المفتوح ومن الاكل واسع ملووح مابين الحلويات والبونبون وختمتها كمان

بكون ينسون لراحة اعصابها من غسل الصحون ودق الهون , وابنهم

العزيز اللى فاكر نفسه روش ولذيذ رايح جاى عمال بيغيظ فى ابن

الجيران ..{ يا حفيظ يا حفيظ } اللى قاعد زعلان اللى ماعهوش فانوس

ولا فلوس كمان وعمال يبرطم ويهلطم ويقول ابوية منحوس .. ابوية منحوس

وعدوا عشرين يون وما فيش حد على نفسه يلوم على هدر ايام غالية

بتعدى كانها ثانيه وزعلوا منهم الضيف اللى كان بزيارته عليهم خفيف

وماكنش عايز منهم اى تصنيف ولا اكل ولا شرب ولا حتى لحمة نيف

دا كان عايز عبادة اللى للمعاصى الفايته هداده ,ولكنهم كالعاده عاملين

كالوحوش اللى بياكلوا مابيشبعوش وبأداب رمضان مايفهموش
غير

لغة الفتوش للكروش , دا حتى ليلة القدر ماكنتش فى الحسبان ولا حتى

كل من عليها فان , ليه كدا يا انسان ؟ ليه مصمم على العصيان ؟
دا انت

ضعيف غلبان .. وعطاء ربك فى الليله دى من غير حسبان ؟ ورجعت تانى

الطقطقة ! على الدماغ بالمطرقه من الهانم اللى مزهقه .. ابو العيال

تطلب منه الدقيق لكحك العيد واما كدا يا يبعد بعيد او هى تسيب له

البيت ! ..وهو يا عينى عليه فضل يسب ويخبط راسه فى الحيط وابنه

يضحك ولا همه ومن هنا وهناك عمال يتنطط تنطيط .. وبعدين فى

الست دى ؟ شويو شوية تطلب عربية خنزيرة ويمكن كمان تشرب بيرة !

وتكسر الزير وتضع مكانه كولدير.. وتغير لبسها للجوخ وكمان تهجر الكوخ

وترمينى بالمركوب اللى اشتكى للطوب وتجيب اخرى ايطالى
وتجيب

خادم اسود طويل القامه سنغالى .. وتصبح من المشاهير ويصفق لها

الجماهير .. وربما تتفوق فى الاداء على نانسى وهيفاء .. وانا من داء الى

داء وانا لا اجيد الا الطرق على الحديد ولا املك من الدنيا العديد .. وجه

الولد الروش يفوقه من نومته .. هات لى اللبس الجديد بكرا العيد بكرا

العيد .. فضلت الدوامه وعدى رمضان { اه يانا } وماخادوش منه حتى

حفنة حنان .. وتاه ابو العيال , ومراته , وبناته وابنه كمان ! .. وباين عليهم

مافيش فايدة فيهم وهما كدا من زمان .. اُمال امتى هتتغير يا انسان ؟

ولأمتى هتفضل محروم وعطشان كمان ؟ من الجنه وخيرها والريحان ؟

يا انت وانتى وفلان .. هيا بنا الان .. نستقبل صح شهر رمضان وبعده

كل الشهور كمان .. فرب شعبان هو رب رمضان

مش كدا برضو ولا ليك رأى تانى خيبان ..؟

ربنا يصلح حالك يا انسان ..

اتمنى ان لا يكون مثال ابو العيال ليس بيننا

وينال الموضوع على استحسانكم ويكون فاتح شهيه لأستقبال

شهر رمضان صح .. مش زى ابو العيال

**************************************************
********************************************
**********************************
**************************
***************
*******
****
**
*

اتمنى تكون نالت على اعجابكم وافادتكم

وكل عام وانتم وابو العيال بخير