ونعم الجيران !!!!!

السلام عليكم ورحمة الله وبركاته
عم محمود وعيلته راجل طيب وفى حاله ومش لهم اى اختلاط بالجيران تعالوا نشوف وتعرفوا ليه وانتم تحكموا بنفسكم على الجيران
الجارة الاولى : فى مشهد طريف مرت بنت عم محمود على جارتها والجارة دى متتوصاش لكاكة ورغاية والنميمة عندها زى تسالى اللب نادت على بنت عم محمود وعم محمود بنته عندها ابن وبنت وكانت رايحة تزور اهلها راحت بنت عم محمود تشوف جارتها عايزة ايه راحت الجارة قعدت تقولها ازيك ياام احمد عاملة ايه ده الواد بن بنتى عيان والجارة بنتها مخلفة ولد اكبر من حفيد عم محمود ب3 سنين راحت الجارة قعدت تشتكى لبنت عم محمود وتقولها الواد تعبان والواد فيه وفيه ورحنا به للدكتور لكن انتى ابنك زى الفل مع العلم ان حفيد عم محمود عمره شهور وكان تعبان هو كمان بس عيلة عم محمود مش شكاية زى الجارة دى المهم جات بنت الجارة وقعدت تقولها اه ياام احمد شفتى الواد محمد ابنى عامل ايه طبعا بنت عم محمود خافت من عين جارتها وبنتها وقالتلهم انا كمان ابنى تعبان وعنده حساسية فى جسمه راحت الجارة وبنتها قالولها فين دى وكانوا عايزين يشيلوا هدوم حفيد عم محمود علشان يتاكدوا من كلام بنت عم محمود ده موقف بسيط من مواقف الجارة العزيزة غير انها قاعدة للساقطة واللقطة فى حتها ومتسبش حد معدى الا لما تحشر نفسها وتحط مناخيرها ولازم تعرف كل حاجة عن الناس ومحدش يعرف حاجة عنها
الجار الثانى : ده بقى بيته ورا بيت عم محمود وكل شوية يلموا زبالتهم ويولعوا فيها والدخنة كلها تيجى على عم محمود
الجار الثالث : ده بقى وشه فى وش بيت عم محمود ده بقى تلاقوه واقف فى البكونة المهم انه راجل كبير مش مراهق ولا شاب وتلاقيه لما يلاقى حد قاعد فى الصالة عند عم محمود يفضل الجار ده واقف ولازق وميدخلش ويخلى عم محمود وولاده ياخدوا رحتهم لا يفضل واقف لحد ماعيال عم محمود يقفلوا فى وشه البلكونة والشباك
الجار الرابع : ده بقى بيته جنب بيت عم محمد لازقين فى بعض وعامل فيها حامى الحمى وشيخ الحارة على ايه معرفش ولا مراته ماشاء الله حصلت حالة وفاة عند عم محمود ورغم ان البيت لازق فى البيت الا انها مكلفتش خاطرها وراحت تقولهم البقاء لله قال ايه بتتعب لما تحضر مياتم مع العلم انها بتروح مياتم ولما عم محمود جوز بنته زوجة جارهم مرحتش الفرح
ايه رائيكم فى جيران عم محمود مش ونعم الجيران !!!! وله حق يبقى فى حاله ولالا؟